សេចក្ដីថ្លែងការណ៍ ស្តីពី អំពើហិង្សា និងការប្រើប្រាស់កាំភ្លើងពីសំណាក់អាជ្ញាធរទៅលើប្រជាពលរដ្ឋ ដើម្បីដោះស្រាយបញ្ហា

គណបក្សប្រជាធិបតេយ្យមូលដ្ឋាន (គបម) មានការសោកស្ដាយចំពោះព្រឹត្តិការណ៍នៃអំពើហិង្សា ដែលបានកើតឡើង នៅស្រុកស្នួល ខេត្តក្រចេះ នាថ្ងៃទី៨ ខែមីនា ឆ្នាំ២០១៨ ក្នុងជម្លោះដីធ្លីដ៏រ៉ាំរ៉ៃមួយ។

គណបក្សប្រជាធិបតេយ្យមូលដ្ឋាន(គបម) សូមប្រកាសថ្កោលទោសចំពោះអំពើហិង្សា និងការប្រើប្រាស់កាំភ្លើង ដើម្បីដោះស្រាយបញ្ហា។

គណបក្សប្រជាធិបតេយ្យមូលដ្ឋាន(គបម) ទាមទារឲ្យមានការស៊ើបអង្កេតជាបន្ទាន់ ដោយយុត្តិធម៌ និងតម្លាភាព ដោយមានការចូលរួមពីគ្រប់ភាគី ជាពិសេសគឺសង្គមស៊ីវិល និងបណ្ដាញសារព័ត៌មាន។

គណបក្សប្រជាធិបតេយ្យមូលដ្ឋាន(គបម) ក៏ទាមទារឲ្យអ្នកតំណាងរាស្រ្តមណ្ឌលក្រចេះ ត្រូវចេញមុខដោះស្រាយបញ្ហានេះជូនប្រជាពលរដ្ឋជាម្ចាស់ឆ្នោត៕

សេចក្តីថ្លែងការណ៍៖ ថ្កោលទោសអំពើហិង្សានៅស្រុកស្នួលខេត្តក្រចេះ

Previous article សេចក្តីថ្លែងការណ៍ ស្តីពី បរិយាកាសនយោបាយកម្ពុជា Next article ការអនុវត្តគោលការណ៍សមាជិកាធិបតេយ្យ របស់ គណបក្សប្រជាធិបតេយ្យមូលដ្ឋាន ក្នុងការរៀបចំបេក្ខជនតំណាងរាស្ត្រ២០១៨ (១៣ មីនា ២០១៨)

តើហេតុអ្វីបានជាចាំត្រូវបាច់ចាប់ផ្តើមពីថ្នាក់ក្រោមមកវិញ?
ការកសាងប្រជាធិបតេយ្យដែលរឹងមាំនិងពិតប្រាកដបាន ទាមទារការយល់ដឹងនិងការចូលរួមដ៏ទូលំទូលាយពីប្រជាពលរដ្ឋទូទៅ។ ការចាប់ផ្តើមពីក្រោមមកលើដើម្បីឲ្យប្រជាពលរដ្ឋមានការយល់ដឹងច្បាស់លើគោលការណ៍ប្រជាធិបតេយ្យ តាមរយៈការអនុវត្តជាក់ស្តែងនូវគោលការណ៍ប្រជាធិបតេយ្យទាំងនេះ ដូចជាការសម្រេចជ្រើសរើសអ្នកដឹកនាំរបស់ខ្លួននៅតាមមូលដ្ឋាននិងគោលនយោបាយអភិវឌ្ឍនឃុំ-សង្កាត់។ ការអនុវត្តជាក់ស្តែងធ្វើឲ្យពលរដ្ឋមានភាពជឿជាក់លើគោលការណ៍ប្រជាធិបតេយ្យនិងចូលរួមកាន់តែសកម្ម។
ការកែប្រែគោលនយោយរបស់កម្ពុជា
គបម យកចិត្តទុកដាក់ការរៀបចំប្រព័ន្ធគ្រប់គ្រងប្រទេសមួយដែលគោរពនិងផ្តល់សេរីភាពនៃការបញ្ចេញមតិ ការជួបជុំ និងពង្រឹងប្រព័ន្ធអភិបាលកិច្ចល្អ (តុល្យភាពអំណាចរវាងស្ថាប័ននីតិប្រតិបត្តិ នីតិបញ្ញត្តិ និងតុលាការ)។ គបម នឹងកាត់បន្ថយក្រសួងមកត្រឹមយ៉ាងច្រើន១៥ក្រសួង ធ្វើវិមជ្ឈការអំណាចនិងធនធានទៅថ្នាក់ក្រោមជាតិ ជាពិសេសថ្នាក់ឃុំ-សង្កាត់និងក្រុង-ស្រុក-ខណ្ឌ ដើម្បីដឹកនាំការអភិវឌ្ឍផ្ទាល់នៅមូលដ្ឋាន និងធ្វើឲ្យប្រសើរនូវការផ្តល់សេវាសាធារណៈនៅមូលដ្ឋាន។ រៀបចំគោលនយោបាយសេដ្ឋកិច្ចដែលគាំទ្រនិងលើកទឹកចិត្តដល់សហគ្រាសខ្នាតតូចនិងមធ្យម ជួយគាំទ្រកសិករតាមរយៈនយោបាយទឹក ទុន និងទីផ្សារ។ ត្រួតពិនិត្យឡើងវិញនូវគោលនយោបាយដីធ្លីដើម្បីធានានូវកំណើនសេដ្ឋកិច្ចដោយចីរភាពនិងសមធម៌។ ពង្រឹងនិងពង្រីកសេវាអប់រំនិងសុខាភិបាលឲ្យដល់មូលដ្ឋាន ដើម្បីធានាការអភិវឌ្ឍធនធានមនុស្សដែលមានសុខុមាលភាពនិងគុណភាព។
តើធ្វើដូចម្តេចទើបអាចចូលជាសមាជិក គបមបាន?
ដើម្បីចូលជាសមាជិក គបម លោកអ្នកអាចចូលតាមរយៈច្រកបីៈ តាមឃុំ/សង្កាត់ដែលអ្នករស់នៅ ដែលមានក្រុមការងារគបមរួចហើយ តាមរយៈការស្គាល់ និងណែនាំពីសមាជិកជំហរណាម្នាក់ តាមរយៈការដឹងឮពីប្រព័ន្ធផ្សព្វផ្សាយ និងទាក់ទងផ្ទាល់មកអគ្គលេខាធិការដ្ឋាន ឬតាមរយៈគេហរទំព័រ គបម www.gdpcambodia.org

Close