សមាជជាតិលើកទី១ នៃគណបក្សប្រជាធិបតេយ្យមូលដ្ឋាន

សមាជជាតិលើកទី១ នៃគណបក្សប្រជាធិបតេយ្យមូលដ្ឋាន

គណបក្សប្រជាធិបតេយ្យមូលដ្ឋាន (គបម) មានកិត្តិយសជម្រាបជូនដំណឹងដល់សាធារណជន អង្គទូត អ្នកសារព័ត៌មានជាតិ-អន្តរជាតិ ទាំងអស់ឱ្យបានជ្រាបថា  គណបក្សនឹងរៀបចំ “សមាជជាតិលើកទី១ នៃគណបក្សប្រជាធិបតេយ្យមូលដ្ឋាន ដែលនឹងប្រព្រឹត្តទៅនៅថ្ងៃអាទិត្យ ទី២៧ ខែសីហា ឆ្នាំ២០១៧ ចាប់ពីវេលាម៉ោង៩:០០ព្រឹក ដល់ម៉ោង១:០០ រសៀល នៅទីស្នាក់ការកណ្តាលរបស់គណបក្សប្រជាធិបតេយ្យ មូលដ្ឋាន ផ្ទះលេខ៣៨ ផ្លូវ១៩៧២ ភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

កម្មវិធីនេះធ្វើ​ក្នុងគោលបំណង ដើម្បីបោះឆ្នោតគាំទ្រលក្ខន្តិកៈគណបក្ស និងសមាសភាពគណៈកម្មាធិការនាយកទី១ និងបោះឆ្នោតជ្រើសរើសប្រធានស្ថាប័នទាំងបីរបស់គណបក្សប្រជាធិបតេយ្យមូលដ្ឋាន៖

  • ប្រធានគណបក្ស/គណៈកម្មាធិការប្រតិបត្តិ
  • ប្រធានគណៈកម្មាធិការនាយកទី១
  • ប្រធានគណៈកម្មាធិការដោះស្រាយវិវាទ និងវិន័យ។

 កម្មវិធីនេះនឹងមានសមាជិកជាប្រតិភូតំណាងប្រមាណជា១៥០នាក់ មកពីរាជធានី ខេត្ត ចូលរួម។

អាស្រ័យដូចបានជម្រាបជូនខាងលើ សូមសាធារណជន អង្គទូត និងអ្នកសារព័ត៌មានជាតិ-អន្តរជាតិ ជ្រាបជាព័ត៌មាន។ ​

                                                                 ធ្វើនៅរាជធានីភ្នំពេញ ថ្ងៃទី២៣ ខែសីហា ឆ្នាំ២០១៧

សម្រាប់ព័ត៌មានបន្ថែម                                                                                                                                                                                                គណបក្សប្រជាធិបតេយ្យមូលដ្ឋាន

ទូរស័ព្ទលេខ ០៧០ ៥១ ៥៦ ៥៧

Related Articles

Close