February 10, 2021 | គណបក្សប្រជាធិបតេយ្យមូលដ្ឋាន

ផ្អាកបានប៉ុន្មានថ្ងៃ ឥឡូវឱ្យនាំចូលត្រីវៀតណាមវិញ, ខ្លាចអ្នកចិញ្ចឹមត្រីខ្មែរក្រ?

អ្នកចិញ្ចឹមត្រីក្នុងស្រុក នៅជាជនរងគ្រោះក្នុងវិស័យនេះ ហើយបញ្ហាដដែលៗនៅតែទាន់អាច ដោះស្រាយជូនអ្នកផលិតក្នុងស្រុក ក្នុងបេសកកម្មលើកកម្ពស់ផលិតផលក្នុងស្រុក និងបង្កើត ការងារជូនអ្នកភូមិ ខណៈដែលភាគីប្រទេសជិតខាងតែងតែយកលេសនេះលេសនោះ ដើម្បី កើបល ...

តើហេតុអ្វីបានជាចាំត្រូវបាច់ចាប់ផ្តើមពីថ្នាក់ក្រោមមកវិញ?
ការកសាងប្រជាធិបតេយ្យដែលរឹងមាំនិងពិតប្រាកដបាន ទាមទារការយល់ដឹងនិងការចូលរួមដ៏ទូលំទូលាយពីប្រជាពលរដ្ឋទូទៅ។ ការចាប់ផ្តើមពីក្រោមមកលើដើម្បីឲ្យប្រជាពលរដ្ឋមានការយល់ដឹងច្បាស់លើគោលការណ៍ប្រជាធិបតេយ្យ តាមរយៈការអនុវត្តជាក់ស្តែងនូវគោលការណ៍ប្រជាធិបតេយ្យទាំងនេះ ដូចជាការសម្រេចជ្រើសរើសអ្នកដឹកនាំរបស់ខ្លួននៅតាមមូលដ្ឋាននិងគោលនយោបាយអភិវឌ្ឍនឃុំ-សង្កាត់។ ការអនុវត្តជាក់ស្តែងធ្វើឲ្យពលរដ្ឋមានភាពជឿជាក់លើគោលការណ៍ប្រជាធិបតេយ្យនិងចូលរួមកាន់តែសកម្ម។
ការកែប្រែគោលនយោយរបស់កម្ពុជា
គបម យកចិត្តទុកដាក់ការរៀបចំប្រព័ន្ធគ្រប់គ្រងប្រទេសមួយដែលគោរពនិងផ្តល់សេរីភាពនៃការបញ្ចេញមតិ ការជួបជុំ និងពង្រឹងប្រព័ន្ធអភិបាលកិច្ចល្អ (តុល្យភាពអំណាចរវាងស្ថាប័ននីតិប្រតិបត្តិ នីតិបញ្ញត្តិ និងតុលាការ)។ គបម នឹងកាត់បន្ថយក្រសួងមកត្រឹមយ៉ាងច្រើន១៥ក្រសួង ធ្វើវិមជ្ឈការអំណាចនិងធនធានទៅថ្នាក់ក្រោមជាតិ ជាពិសេសថ្នាក់ឃុំ-សង្កាត់និងក្រុង-ស្រុក-ខណ្ឌ ដើម្បីដឹកនាំការអភិវឌ្ឍផ្ទាល់នៅមូលដ្ឋាន និងធ្វើឲ្យប្រសើរនូវការផ្តល់សេវាសាធារណៈនៅមូលដ្ឋាន។ រៀបចំគោលនយោបាយសេដ្ឋកិច្ចដែលគាំទ្រនិងលើកទឹកចិត្តដល់សហគ្រាសខ្នាតតូចនិងមធ្យម ជួយគាំទ្រកសិករតាមរយៈនយោបាយទឹក ទុន និងទីផ្សារ។ ត្រួតពិនិត្យឡើងវិញនូវគោលនយោបាយដីធ្លីដើម្បីធានានូវកំណើនសេដ្ឋកិច្ចដោយចីរភាពនិងសមធម៌។ ពង្រឹងនិងពង្រីកសេវាអប់រំនិងសុខាភិបាលឲ្យដល់មូលដ្ឋាន ដើម្បីធានាការអភិវឌ្ឍធនធានមនុស្សដែលមានសុខុមាលភាពនិងគុណភាព។
តើធ្វើដូចម្តេចទើបអាចចូលជាសមាជិក គបមបាន?
ដើម្បីចូលជាសមាជិក គបម លោកអ្នកអាចចូលតាមរយៈច្រកបីៈ តាមឃុំ/សង្កាត់ដែលអ្នករស់នៅ ដែលមានក្រុមការងារគបមរួចហើយ តាមរយៈការស្គាល់ និងណែនាំពីសមាជិកជំហរណាម្នាក់ តាមរយៈការដឹងឮពីប្រព័ន្ធផ្សព្វផ្សាយ និងទាក់ទងផ្ទាល់មកអគ្គលេខាធិការដ្ឋាន ឬតាមរយៈគេហរទំព័រ គបម www.gdpcambodia.org

Close