រចនាសម្ព័ន្ធ​ដឹកនាំ​ថ្មី​របស់​បក្ស​មូលដ្ឋាន ដែល​កើតចេញពី​សមាជ​លើក​ទី​១

រចនាសម្ព័ន្ធ​ដឹកនាំ​ថ្មី​របស់​បក្ស​មូលដ្ឋាន ដែល​កើតចេញពី​សមាជ​លើក​ទី​១

 

ភ្នំពេញ​៖ របៀបវារៈ​សំខាន់ៗ​ចំនួន​បី ត្រូវបាន​អនុម័ត​នៅក្នុង​សមាជ​លើក​ទី​១ របស់​គណបក្ស​ប្រជាធិបតេយ្យ​មូលដ្ឋាន ដែល​រៀបចំឡើង នៅ​ព្រឹក​ថ្ងៃទី​២៧ ខែសីហា ឆ្នាំ​២0១៧​នេះ​។ របៀប វារៈ​ទាំងបី​នោះ គឺ​ការជ្រើសតាំង​ប្រធាន​គណបក្ស ការអនុម័ត​លើ​លក្ខន្តិកៈ រួមទាំង​ការរៀបចំ​រចនាសម្ព័ន្ធ​ដឹកនាំ​ផ្សេងទៀត ដូចជា​គណៈកម្មាធិការ​នាយក គណៈកម្មាធិការ​ប្រតិបត្តិ និង​គណៈកម្មាធិកា​រវិ​ន័យ​។

លោក យ៉េ​ង វីរៈ ដែល​កំពុងកាន់​តំណែង​ជា​ប្រធាន​គណបក្ស​ប្រជាធិបតេយ្យ​មូលដ្ឋាន បាន​បន្ត​ឈរឈ្មោះ​ធ្វើជា​បេក្ខជន​ប្រធាន​ម្តងទៀត​។ ហើយ មានតែ​លោក យ៉េ​ង វីរៈ​ម្នាក់​ប៉ុណ្ណោះ ដែល​ឈរឈ្មោះ​ធ្វើជា​បេក្ខជន​ប្រធាន​គណបក្ស​នេះ​។ ជា​លទ្ធផល លោក បាន​ជាប់ឆ្នោត​ធ្វើជា​ប្រធាន​គណបក្ស​សាជាថ្មី ដោយ​ទទួលបាន​សន្លឹកឆ្នោត​គាំទ្រ​ចំនួន​១១៧  ក្នុងចំណោម​សន្លឹកឆ្នោត​សរុប​ចំនួន​១២៥​។​

លោក យ៉េ​ង វីរៈ ដែលជា​អ្នកជំនាញ​ផ្នែក​ច្បាប់ មិន​ត្រឹមតែ​ជាប់ឆ្នោត​ធ្វើជា​ប្រធាន​គណបក្ស​នោះទេ តែ​លោក ក៏បាន​ជាប់ឆ្នោត​ធ្វើជា​ប្រធាន​គណៈកម្មាធិការ​ប្រតិបត្តិ​ផងដែរ​។
​ចំណែក លោក យ៉ង សាំង​កុមារ បណ្ឌិត​ផ្នែក​កសិកម្ម ហើយពី​មុន​ជាម​ន្ត្រី​ពង្រឹងសមត្ថភាព​យុវជន​នៃ​គណបក្ស​ប្រជាធិបតេយ្យ​មូលដ្ឋាន បាន​ជាប់ឆ្នោត​ជា​ប្រធាន​គណៈកម្មាធិការ​នាយក​។ រីឯ លោកស្រី ប្រុក វ៉ា​ន្នី ជា​អតីតមន្ត្រី​អង្គការ​សង្គម​ស៊ីវិល បាន​ជាប់ឆ្នោត​ជា​ប្រធាន​គណៈកម្មាធិការ​ដោះស្រាយ​វិវាទ​និង​វិន័យ​។

តំណាង​ជាង​១00​នាក់ ដែល​មកពី​បណ្តា​រាជធានី​-​ខេត្ត​នានា បាន​ចូលរួម​នៅក្នុង​សមាជ​របស់​គណបក្ស​ប្រជាធិបតេយ្យ​មូលដ្ឋាន​។​ គណបក្ស​ប្រជាធិបតេយ្យ​មូលដ្ឋាន ត្រូវបាន​បង្កើតឡើង​តាំងពី ឆ្នាំ​២0១៥​មក​៕

ប្រភព៖ ថ្មីៗ

Related Articles

Close